Uyao

Sinasabing ang Barangay ay nabuksan noong 1930. Ang mga na unang pamilyang naninirahan dito ay pawang galing sa probinsya ng Romblon, ang mga ito ay Manayon, Anigan, Lazaro, Faminiano, Gain, Gan, Balina, Panagsagan, Montano, Mortel, Hindap at Ernesto. Tinatawag na Uyao ang mula sa salitang Patuyao, isang salitang Mangyan na ang ibig sabihin ay malalaking hipon, Binanggit na noong unang panahon ay maraming malalaking hipon na matatagpuan sa ilog na nasasakupan nito. Ang lugar ay sinasabing dating pinaka-unang baryo ng Tikling o Paclasan sa panahonng ito ay nasasakupan pa ng Bayan ng mansalay. Noong 1930, naging isang ganap na Barangay ang lugar at unang nahalal na Tenyente Del Barrrio ay si G. Federico Manayon, Sr. noong 1946, naitayo ang isang (1) school sa looban (Grades 1 to III) at kauna-unahang guro dito ay si G. Silverio Garcia. Samantala, isang karanasang di malilimutan ng mga mamamayan sa lugar ay magkaroon ng isang napakalakas na bagyong si Wanda noong 1951. Nagresulta ito ng pagkagiba ng Paaralan at pagkakaroon ng malaking baha sa lugar. Sa panahong ito ay halos wala ng kagubatan sa lugar dahil sa patuloy ng logging o pagputol ng malalaking punongkahoy dito a pinaaanod sa uyao River upang mailabas. 1959 hanggang 1965, dumagsa ang mga dayo sa lugar mula sa mga probinsya ng Tablas, Cavite, Batangas at Ilocos. Dito nagsimula ang malawakang pagbebenta ng lupa sa lugar. 1971, inilipat ang primary school sa proper (Grades 1 to III) at nagkaroon ng isang jeep na pampasada sa lugar.Nagkaroon din ng isang (1) Basketball Court at Stage. Pagitan ng 1982 hanggang 1985, nagkaroon widening ng Brgy. Road patungong Libtong at nagkaroon sa lugar ng kauna-unahang Artesian Well na inilagay sa looban. Nabigyan din ng Right of Way patungong Canit kaugnay sa pagbubukas ng kalsada at nakongkreto rin sa panahong ito ang Basketball Court sa Proper. Sa pagitan ng taong 1986 hanggang 1988, naituloy and daan patungong Canit at nalagyan ng box culvert ang Canit Creek. Noong 1994, naitayo sa barangay ang Health Center at nagkaroon ng Participatory Action Research (PAR). Ang sumusunod na mga taon ay kinakitaan na patuloy na pagpapa-unlad ng barangay sa pangunguna ng mga nahalal na kapitan at kagawad at sa aktibong pakikipag-tulungan ng mga mamamayan. Samantala, isang pagbabago kaugnay sa sistema ng pagpa-planong pangkaunlaran ay ang pagsasagawa sa lugar ng isang Mapanlahok na mindoreno, Inc. sa pakikipag-tulungan ng Pamahalaang Bayan ng Roxas noong taong 1999 at 2002. (Tingnan ang talaan ng mga namumuno sa Lugar sa ibaba).