Libertad

1943 Naging ganap na Barangay ang Libertad sa pamumuno ni 1st Brgy. Captain si Honorado Sioco na itinalaga ng Japanese Imperial Army. Noong mga panahong iyon malalaki ang mga punong kahoy at nagkaroon ng kaingin system na tinaniman ng mga palay at mais. Noon ay wala pang transportasyon, ang mga tao ay naglalakad lamang upang makarating sa kanilang pupuntahan sapagkat wala pang kalsada noon. Ang mga tao noon ay nag-aalalaga ng mga hayop, tulad ng kalabaw, baboy, kambing at manok. 1943- 1950 Nagkaroon ng clearing ng kalsada at ang mga sasakyan ay kalesa.Nadagdagan din ang mga tao na mula sa Tablas. Nalinang ang mga lupa sa pamamagitan ng mga taga Batangas at dumami ang mga tanim na mais, palay at saging. Dumami na rin ang mga alagang hayop. Napalitan ang tenyente del barrio sa pamamagitan ng halahan sa katauhan ni Gregorio Gado. 1950-1955 Nagkaroon ng kalsada patungong Calapan sublalit nagiging maayos lamang ito kung tag-init. Ang mga sasakyang ginagamit ay “weapon carrier”. Samantala sa paligid ang karaniwang sasakyan ay mga kalesa. Nagkaroon din ng paaralang elementarya, patuloy ang pagdami ng mga tao mula Batangas, Tablas at Panay, kung kaya’t patuloy din ang pagdami ng mga pananim at mga alagang hayop. 1955-1960 Naging higit na maayos ang mga kalsada at mga transportasyon. Nagkaroon ng regular na biyahe ang mga bus patungong Calapan at may ilang kalesang bumabyahe sa Roxas patungong San Mariano. Ang mga mag-aaral sa High School ay pumapasok sa Fabella High School sa bayan ng Roxas. 1960-1965 Nagkaroon ng mga tubigan na umaasa pa lamang sa tubig ulan, at nakapagsimula ng mag-ani ng mga produktong prutas. May mga nakapagtapos na ang kanilang pag- aaral. Sa panahong ito ay napalitan ang Kapitan de Barrio at nahalal si Margarito Galicia. 1965-1970 Naging Kapitan si Gregorio Geremia sa panahong ito. Nagkaroon n ang mga jeep, nagkaroon na rin ng Irrigation System, at gilingan ng palay. Sa panahong ito naging Kapitan sina Romeo Dimatulac at Maximo Rivera, nagkaroon na rin ng Heallth Center. 1970-1975 Naging Kapitan si Victorio David, nagpatayo ng ilang imprastraktura tulad ng palengke, basketball court, patuloy ang pagdami ngmga produktong pangsakahan, piggery at poultry. 1975-1986 Hindi na napalitan si Victorio David bilang kapitan dahil inabot na ng panahon ng Martial law, sa pagdami ng mga tao dumami din ang mga bahay, tindahan at mga livelihood projects. 1986-1994 Naging OIC sina Romeo Francisco at Pol Montaño, nang magkaroon ng election nanalo si Pol Montaño bilang kapitan. 1994-1997 Naging Kapitan si Incencio Venus, nagpagawa ng drainage canal at box culvert, narehab ang serada at naipakongkreto, nagkaroon ng kuryente sa barangay, nagpatayo ng waiting shed, nagkaroon ng Street light sa pamamagitan ng SK. Nagkaroon ng cadastral survey. Nakabili ng sariling lote ang barangay. 1997-2002 Nahalal bilang Kapitan ng barangay si Edison M. Aguila, maraming naipatayong imprastraktura tulad ng pagpapabakod ng basketball court at pagpapatayo ng isa pa nito.Nakabli ng lote na pinagtayuan ng barangay hall. Nagkaroon ng bagong palengke sa barangay. Nagkaroon ng dalawang farm to market rood at naipasemento ang ang Provincial road patungong San Miguel.