Libtong

Ang pinakaunang taong nanirahan sa lugar na ito ay binubuo ng grupo ng mga katutubo na kilala sa tawag na mangyan. Taong 1900 nang sila ay magsimulang manirahan dito. Ang lugar na ito ay napakaraming malalim na sapa at ilog, kung kaya’t pinangalanan itong LIBTONG ng mga katutubo na ang ibig sabihin ay “malalim” Hanggang sa ngayon ang mga ilog at sapang ito ay kapansin-pansin gaya ng ilog “Ilog Libtong” na ngayon ay kilala sa tawag na Madugo River, ang Marayag River, Uban Creek at Bayangan Creek. Sa mga ilog na ito, ay ang Ilog Libtong ang pinakamalalim kung saan saan dito hinango ang pangalang Libtong. Taong 1915, dumating dito ang mga dayuhang Kristiyano na nagmula sa lugar ng Tablas, Panay at kapuluan ng Romblon. Sila ay nanahan dito at nakipamuhay nang payapa kasama ng mga katutubong Mangyan. Nilinis nila ang dati ay makahoy at magubat na lugar sa pamamagitan ng pagkakaingin at tinaniman ito ng mga halamang nakatutugon ng kanilang pangangailangan sa pagkain. Ang mga kilalang unang nanirahang katutubo sa lugar na ito ay sina Ama Bunlay, Ama Tunaw, Ama Angi, Ama Yawid, Ama Ilyaw, Ama Bakal, Ama Manay, Ama Baidan, Ama Yawad, Ama Boywan at Ama Pudit. Bilang katibayan ng kanilang paninirahan, may mga lupain pa dito na hanggang sa ngayon ay nasa ilalim pa ng usaping pampamahalaan. Ang mga unang Kristiyanong nanirahan dito ay sina Romualdo Canimo I, Gervacio Caunca, Dionisio Ibañez, Fortunato Cezar, Antonio Mores, Adriano Mortel, Diego Naalog, Ceferino Pabro, Eustaquio Dode, Fransisco Bangalisan, Potenciano Fabila, Fausto Lazaro, Enricu Garfin, Andres Faminiano, Rufo Maring, Guilberto Anigan, Pablo Escondo, Roberto Artiza at Alejo Antonico. Malaki ang kanilang nagawa upang ang nayong ito ay maisaayos at mapaunlad. Taong 1993 ipinagkaloob ng magkakapatid na sina LIBORIO IBAÑEZ, LILIA IBAÑEZ, LOURDEZ, GREGORIO, LEONITO GREGORIO AT LUISA GREGORIO ang dalawang parsela ng lupa na may sukat na SIYAM NA DAAN AT WALUMPUT-TATLO (983) metro kuwadrado na kanilang minana sa namayapa nilang ina VIVENCIA CANIMO sa kagustuhang manatiling ala-ala ng mga mamamayang taga-Libtong sa pamamagitan ng pangasiwaan noon ni Armando Taunan. (Kapitan ng Barangay) na siyang kinatatayuan ngayon ng Barangay Hall, Basketball Court (883 sq.m.) at Barangay Health Station (150 sq.m.). Mula noon hanggang ngayon ay marami na rin ang mga nagkaloob ng mga road right of way para sa pagpapatayo ng mga Farm To Market Roads