Maraska

Ang Barangay Maraska noon ay kilala sa tawag na Sityo Ahulap na nasasakupan ng San Jose(Walog). Ang mga naunang pamilya ay kinabibilangan nina Felimino Eustaquio, Hernandez Martinez, Jose Mortel, Teodulo Eustaquio at Domingo Mortel. Magubat at pangkaraniwang sistema ng pagsasaka ay ang paggamit ng araro na hinahatak ng kalabaw at pagkakaingin. Ang mga magsasaka ay umaasa lamang sa sahod ng ulan. para sa kanilang iilang pananim sa bukid. Tinawag na Brgy. Maraska noong 1948. Taong 1955 nang dumaan ang bagyong Wanda. Nagkaroon ng halalang Pambarangay. At kasunod nito noong September 21, 1972 ay ang pagdedeklara ng Martial Law. Noong panahong iyon ay walang anumang katumbas na sweldo ang nanunungkulan sa barangay. Sa nakaraang pamumuno ay meron din namang mga proyektong nagawa sila tulad ng pagpapatayo ng Punzalan Hall at Day Care Center sa tulong narin ng Munisipyo. Taong 2007 hanggang 2013 naging kapitan si Kgg. Daniel A. Timtiman at sa kanyang pamumuno marami ang programang naipatupad: sa health ay ang supplemental feeding taun-taon, nutrition month celebration at pamimigay ng mga bowl sa lahat ng walang palikuran. Sa infras.naman ay ang pagmementain ng barangay road, patuloy na reprapping sa tulong narin ng munisipyo, maintenance ng water system at pagbili ng lupa na pagtatayuan ng mga bagong household na mula kay Congressman Umali. Nagkaroon din ng Goat raising na mula sa pondo ng Gov. Panaligan na livelihood sa ilang beneficiaries dito sa barangay. Nalagyan narin ng landmark boundery kina Ipang at marami pang proyektong ipatutupad ang kasalukuyang administrasyon sa tulong narin ng lahat ng nanunungkulan para sa ikauunlad ng aming barangay. Taong 2013 hanggang sa kasalukuyan nahalal bilang kapitan si G. Jimmy F. Eustaquio, sa kanyang panunungkulan marami ding mga proyekto ang kanyang naipatupad, dahil sa kanyang kasipagan kasama ng kanyang mga kagawad nakahingi sila ng proyekto galling sa National Government at Lokal na pamahalaan.