Mabuhay

Mangyan ang kauna-unahang naninirahan sa lugar na noon ay tinatawag na Dapdap at Baraas hanggang sa kalaunan ay naging Sitio Baraas. Ang kauna-unahang pamilyang dumating mula sa pulo ng Hambil, Isla Verde, Tablas at iba pang kalapit pulo sa Mindoro ay nabibilang sa pamilya ng mga Escarez, Soledad, Silanga, Candelario at Gabayno. Ang tawag sa Sitio Baraas ay napalitan ng Sitio Pinag-agawan dahil sa 2 barangay na nag-aagawan dito. Brgy. Maraska at Brgy. Libtong. Ngunit dahil na rin sa mungkahi ni Jose Maulion na noon ay nanunungkulan sa Punong Bayan ng Roxas, ang pangalan ng lugar ay naging Brgy. Mabuhay mula sa Sitio Pinag-agawan. Kasunod nito, noong Oktubre, 1954 ay ang pagpapatibay bilang isang ganap na barangay ang Brgy. Mabuhay.